هى : انت بتحبنى ؟ 
هو : دة سؤال يعنى ؟ 
هى : ايووة انت بتحبنى ؟ 
هو : اكيد طبعا وبموت فيكى كمان 
هى : بعد الشر عنك ماشى 
هو : بس كدا خلاص يعنى استريحتى 
هى : لا طبعا بس هعمل اية يعنى ؟ 
هو : هو يعنى انتى لو مش متاكدة من حبى ليكى وخوفى عليكى كنتى هتستمرى معايا لحد دلوقتى 
هى : ماهو الى هيجننى انى مبستحملش بعدك وطبعا واثقة فى حبك
هو : امال فى اية بقى ؟
هى : معرفش خايفة 
هو : من اية بس يا حبيبتى ؟ 
هى : من كل حاجة واى حاجة 
هو : انا مش عارف انتى قلقانة من اية صارحينى بالى بيدور فى بالك
هى : مش عارفة فى حاجة جوايا مخوفانى مع انى بثق فيك بس فى حاجات بردو بتخلينى اقلق واخاف 
هو : طب والمفروض انا اعمل اية طيب انا بحبك والله وبموت فيكى وبعشقك 
هى : طب لية دايما عندى هاجس انك هتسيبنى او اى واحدة ممكن تاخدك منى 
هو : دى تخاريف فى دماغك بس عشان انتى غاوية شك فيا وخلاص
هى : والله ابدا انا مش بثق فى حد قدك بس اهو خايفة ومش مطمنة وخلاص 
هو : طب اقولك حاجة تخليكى تتطمنى وتفرحك اكتر 
هى : بجد قووووول 
هو : تـــــتــــجـــــــــوزيــــــــــنى ؟ 
هى : بلاش هظار بقى 
هو : مش هظار انا بكلم جد على فكرا 
هى ( وعنيها بتلمع مالفرحة ) : بجد بجد يعنى 
هو : طبعا ياقلبى بجد بجد انا عمرى ما خليكى تقلقى او تخافى ابدا وعشان تتاكدى انى مش هكمل عمرى غير معاكى بس وانى ماتمناش غيرك تكون شر يكة حياتى 
هى : انا بحبك اووى بقى 
هو : وانا كمان بحبك اوووى بقى 


#افعال_لا_اقوال

لــــــــ ..  #صــَــبــا