هو مخضوض : الو ايوة يا حبيبتى فى اية ؟ 
هى : ازيك عامل اية ؟ 
هو : اكيد مش بتتصلى الساعة 3 الفجر عشان تقوليلى عامل اية ؟ فى اية انطقى 
هى بخوف : اصلى حلمت حلم وحش وصحيت خايفة اوى فقولت اكلمك 
هو : خير اللهم اجعلة خير طب معلش يا حبيبتى حاولى تقرى قرأن ونامى على جمبك اليمين وهتنامى ان شاء الله  
هى : مانا عملت كدا ومش عرفت انام بردو 
هو : طب خلاص تعالى احكيلك حدوتة 
هى بفرح : اة احكيلى حدوتة بس مش تكون بتخوف 
هو : كان ياما كان يا سعد يا اكرام وما يحلى الكلام الا بالصلاة على النبى علية الصلاة والسلام 
هى : علية افضل الصلاة والسلام 
هو : كان فى بنوتة جميلة وهادية وكان ليها حبيب ولد عثول وامور وبيموت فيها وكان بيعمل كل حاجة عشانها وتعب اوى واشتغل اكتر منش غلانة عشان تبقى من نصيبة لحد ما ربنا كرمة وقدر يخطبها وكان فى يوم نايم وميت مالتعب عشان عندة شغل الصبح بدرى لقاها بتتصل خايفة من حلم وحش فقعد يطمنها وحكالها حدوتة عشان تعرف تنام تانى ههههههههههههههه 
هى : ههههههههههه ربنا يخليك ليا يا حبيبى ومش يحرمنى منك
خلاص يلا انا هنام وانت نام عشان تعرف تصحى الصبح خلى بالك منك كويس وتصبح على خير 
هو : ربنا يخلينى ليكى وابقى سبب سعادتك دايما وامانك ياقلبى
وانتى من اهل الخير يا احلى حاجة فى عمرى  
هى : بحبك 
هو : بموت فيكى 
وفضل عالسماعة مقفلش لحد ماراحت فى النوم واطمن انها خلاص نامت وهى مبسوطة 



#هو_فى_كدا 

لـــــــ ..  #صــَــبــا